Gruppenofkommes

Fann d’PDF-Versioun hei.

Dëst Dokument ass eng Iwwersetzung vun der Original-Gruppenofkommes op Däitsch [PDF]. Am Fall vun Zweedeitegkeeten oder falschen Iwwersetzungen ass dat däitscht Original déi valid Referenz fir d’Funktionéiere vun der Grupp.

1. Visioun

Zil

All genéissbar Liewensmëttel zu Lëtzebuerg gi verziert.

Wäerter

Respekt

Respekt heescht fir eis Akzeptanz, Offenheet a Gerechtegkeet.

Zouverlässegkeet

D’Zouverlässegkeet ergëtt sech aus der eegener Motivatioun.

Verantwortungsbewosstsinn

D’Verantwortungsbewosstsinn schléisst fir eis Nohaltegkeet, Transparenz an den Ëmgang mat geretten Liewensmëttel ouni Suen mat an. Am Sënn vun der Verantwortung géigeniwwer de geretten Liewensmëttel steet fir eis eng schnell Veraarbechtung vun de Liewensmëttel virun engem karitativen Zweck.

Gemeinschaft

Duerch d’Struktur an den Oflaf vun eisen Treffen, so wéi déi formal Verantwortlechkeet, gëtt versicht all Konflikt virzebeugen. Wa méiglech gëtt Feedback duerch gewaltfräi Kommunikatioun ginn. Bei Konflikter gëtt eng Mediatioun duerch den*d’ Well-Being-Manager*in ënnerholl.

2. Rollen

Individuell Rollen

All Member ka méi Rollen iwwerhuelen. Mat Ausnam vun den Administrator*innen kann all Roll vun enger oder méi Persounen iwwerholl ginn.

Member

Aufgaben

  • Umeldung op eiser Kommunikatiounsplattform, mat Foto a richtegem Numm
  • Beschtméiglech an aktiv Ënnerstëtzung vu Foodsharing Luxembourg

Wéi ginn ech Member?

  1. D’Member-Demande mat Rechtseenegung an Dateschutzerklärung ausfëllen an d’Satzung sou wéi d’Gruppenofkommes duerch d’Ënnerschrëft unerkennen
  2. Bei mindestens engem Membertreffen dobäi sinn

Wéi ginn ech mäin Amt als Member of?

  1. Eng E-Mail un den*d’ Onboarding-Manager*in schécken, an der den Austrëtt erkläert gëtt

Foodsaver*in

Aufgaben

  • Liewensmëttel selbstänneg bei den Ofhuelungen a genéissbar a net méi genéissbar andeelen a no eegenem Ermiessen eegeverantwortlech verdeelen.
  • Këmmeren ëm d’Proufofhueler*innen (cf. Abschnitt “Proufohuelung”)

Wéi ginn ech Foodsaver*in?

  1. Member ginn
  2. Proufzäit, bestoend aus dräi Proufofhuelungen ënnerhalb vun dräi Méint, erfollegräich ofschléissen. Bei Net-Optauchen ouni Ofmeldung muss eng weider Proufofhuelung absolvéiert ginn.
  3. Erhalen vum perséinlechen Foodsharing Luxembourg Pass
  4. Umellen op karrot.world, mat Foto a richtegem Numm

Wéi ginn ech mäin Amt als Foodsaver*in of?

  1. Ofmeldung beim/bei der Onboarding-Manager*in

Betribsverantwortlech*en

Aufgaben

  • Opbau an Organisatioun vun der Kooperatioun mat engem oder e puer Betriber
  • Ofschwätzen mam Betrib iwwert d’Ofhuelungen a sech drëms këmmeren, dass all ofgemaachten Ofhuel-Rendez-vous’er stattfannen. Wa keen aneren d’Ofhuelung duerchféieren kann, selwer asprangen a nëmmen am Noutfall d’Ofhuelung sou fréi wéi méiglech ofsoen
  • d’Fleegen vun der Betribssäit op karrot.world, z.B. üblech Ofhuelquantitéiten an Ofhuelzäiten, besonnesch Bemierkungen

Wéi ginn ech Betribsverantwortlech*en?

  1. All Member e Betrib virschloen
  2. Kucken, ob genuch Foodsaver*innen fir d’Ofhuelungen bereet stinn
  3. Ufro fir de Kooperatiounsopbau un de Betrib riichten

Oder:

  1. Iwwerhuelen vun engem Betrib vun engem*enger deemolegen*r Betribsverantwortlichen*er 

Wéi ginn ech mäin Amt als Betribsverantwortlich*en of?

  1. All de Foodsaver*innen de Récktrëtt ukënnegen
  2. Ersatz sichen
  3. Relève mat der neier Persoun maachen
  4. Wiessel dem Betrib matdeelen
  5. Wiessel all den Foodsaver*inne matdeelen
  6. Véier Wochen fir Nofroen erreechbar sinn

Foodsharing Point Verantwortlech*en

Aufgaben

  • Opbau an Organisatioun vun der Kooperatioun mam Stellplazbiddenden
  • D’Fleeg oder d’Ariichten vu Foodsharing Points
  • D’Fleeg vun der Betribssäit ob karrot.world, z.B. Botzplang

Wéi ginn ech Foodsharing Point Verantwortlech*en?

  1. All de Memberen eng Stellplaz virschloen
  2. Kontrolléieren, ob genuch Memberen fir d’Fleeg ze fanne sinn
  3. Ufro un de Stellplazbiddenden riichten

Oder:

  1. Iwwerhuelen vun engem Foodsharing Point vun engem*enger demolegen*r Verantwortlechen*er 

Wéi ginn ech mäin Amt als Foodsharing Point Verantwortlech*en of?

  1. All de Memberen de Récktrëtt ukënnegen
  2. Ersatz sichen
  3. Relève mat der neier Persoun maachen
  4. Wiessel dem Stellplazbiddenden matdeelen
  5. Wiessel all de Memberen matdeelen
  6. Véier Wochen fir Nofroen erreechbar sinn

Administrator*innen

Aufgaben

  • Vertriedung vum Veräin an allen Rechts- a Verwaltungsakten
  • Organiséieren vu reegelméissegen Treffen sécherstellen, z.B. falls vergiess sollt ginn d’Facilitator-Roll fir e nächst Treffen ze bestëmmen
  • Zousätzlech Aufgaben fir zwee Administrator*innen: Verwalten vun de Bankkonten an Erstellen vun engem Finanzbericht fir d’Vollversammlung a fir d’Ëffentlechkeet. D’Entscheedung iwwert dës Aufgabeverdeelung gëtt innerhalb vun den Adminitrator*innen” getraff.

Wéi ginn ech Administrator*in?

  1. Bestëmmung per soziokratesch Wal

Wéi ginn ech mäin Amt als Administrator*in ab?

  1. All de Memberen de Récktrëtt ukënnegen. Kuckt d’Satzung fir d’Virgoensweis.

Oder:

  1. D’Amtszäit auslafen loossen a net erneit fir d’Wal untrieden.

Spezielle Rollen

Speziell Rolle ginn emol am Joer wärend enger Vollversammlung per soziokratesch Wal nei bestëmmt.

IT-Manager*in

Aufgaben
  • Installatioun a Wartung vu Plattformen
  • Ëmgang mat Unix-Kommandozeil
  • Ënnerstëtzung vun de Memberen bei techneschen Probleemer bei Notzung vun de Plattformen

IT-Backup

Aufgaben
  • Technesche Kenntnisser vu Virdeel
  • Fungéieren als Backup zum Administratiounszougang vun allen digitalen Déngschter

Lager-Manager*in

Aufgaben
  • Lageren vum Material vum Veräin
  • Aner Memberen bei Bedarf Zougang zum Material ginn
  • Aktualiséieren vun der Materialslëscht
  • Bei Liewensmëttel op Halbarkeet Uecht ginn

Onboarding-Manager*in

Aufgaben
  • Infotreffen organiséieren: Interesséiert perséinlech treffen, dësen d’Kärelementer erklären an d’Bäitrëttsformulair ginn
  • Aluedung via Link op eis Kommunikatiounsplattform (nom Bäitrëtt zum Veräin als Member)
  • Këmmeren em d’Kommunikatioun tëschent neien an ale Memberen wärend der Proufzäit
  • Reegelméissegt Informéieren vun alle Foodsaver*innen iwwert Bäi- an Austrëtter vun Aneren
  • Verschécken vun de Foodsaver*innen-Passen
  • Verwalten vun der Mailinglëscht

Public-Relations-Manager*in

Aufgaben
  • Verantwortlech fir d’Social-Media-Kanäl
  • Verantwortlech fir d’Websäit
  • Opbau a Fleeg vu Bezéiungen mat aneren Interessegruppen
  • Erhéijung vum Bekanntheetsgrad vun eisem Veräin

Well-being-Manager*in

Aufgaben
  • Fir all Member en  opend Ouer hunn
  • Gemeinschaft stärken
  • Konflikter virbeugen oder dës duerch Mediatioun léisen

Wéi ginn ech meng speziell Roll of?

  1. All de Memberen de Récktrëtt ukënnegen
  2. Interesséiert un der Rolle op e nächst Membertreffen alueden
  3. Soziokratesch Wal beim nächste Membertreffen
  4. Relève mat der neier Persoun maachen
  5. Wiessel all de Memberen matdeelen
  6. Véier Wochen fir Nofroen erreechbar sinn

Kollektiv Rollen

Aarbechtsgruppen (AG’en)

Bei Bedarf ass et méiglech Aarbechtsgruppen mat minimum 2 Memberen ze grënnen. Si dierfe sech selwer organiséieren an autonom Entscheedungen treffen. Wann d’Entscheedung allerdéngs all d’Membere vu Foodsharing betrëfft, da mussen och all d’Memberen informéiert a mat abezu ginn.

3. Treffen

Et gëtt tëschent den organisatoreschen Treffen, der Vollversammlung an de Membertreffen, sou wéi den Infotreffen. D’Vollversammlung ass an der Satzung beschriwwen. D’Membertreffen an d’Infotreffe fanne wéinstens eemol am Mount statt. All eis Treffe si non-alkoholesch.

3.1. Organisatoresch Treffen

Oflaf vum Treffen

  1. Anchecken
  2. Ronn fir matzedeelen, wat engem net passt, een steiert oder belaascht 
  3. Ronn fir Unerkennung, léif Wieder oder Dankbarkeet ze deelen 
  4. Ronn fir de Fortschrëtt vu Foodsharing a nei Iddien ze deelen 
  5. Virstellung vum Ordre du Jour, Upassen vum Ordre du Jour bei Bedarf a Prioriséieren vun Gespréichspunkten 
  6. D’Punkten um Ordre du Jour gi beschwat
  7. Kläre wat als nächst usteet, wat gemaach muss ginn a wéi weidergefuer gëtt. De Facilitator fir d’nächst Treffe gëtt festgeluecht
  8. Feedback-Ronn: Feedback un déi Persoun, déi d’Moderatioun gemaach huet a Bewäertung vun der Zesummenaarbecht
  9. Auschecken

Rollen

Folgend Rollen solle beschtefalls op all Treffe vu verschiddene Leit ausgeféiert ginn: 

  • Facilitator: Dës Persoun muss bei all Treffe fir dat nächst festgeluecht ginn. Hir Aufgab ass et, en Datum fir dat nächst Treffen ze fannen. D’Treffen ass dann, wann déi meescht Memberen kënnen. Dat gëtt online gereegelt, zum Beispill iwwert framadate.org. Zousätzlech muss se den Ordre du Jour mat Zäitplang festleeë, zum Beispill mat framapad.org. All d’Membere kënne Punkten op den Ordre du Jour setzen. Als Faciliater moderéiert een dann och dat eigentlecht Treffen. 
  • Keeper of the memory: Dës Persoun hëlt sech Notizen vum Treffen a schreift duerno e Rapport. An de Rapport kënnt och, wéi eng Persounen deen Dag um Treffe waren. Bannent de nächsten 5 Deeg nom Treffen schéckt se de Rapport un all d’Memberen. 
  • Keeper of the time: Dës Persoun hält d’Auer am Bléck an deelt dem Faciliator mat, wann d’Gefor besteet, dass déi festgeluechten Zäiten ze wäit iwwerschratt ginn ass.
  • Keeper of the heart: Dës Persoun beobacht d’Stëmmung vun de Memberen, kuckt no den individuelle Bedürfnisser an dierf d’Versammlung am Fall vun enger Kris oder engem Konflikt ënnerbriechen. Si dierf gären tëschenduerch energieséierend Übungen aleeën, fir d’Grupp ze erfrëschen oder ze berouegen. 

Entscheedungen

Entscheedunge gi bei Memberstreffen soziokratesch getraff, ganz nom Motto: “Safe enough to try, good enough for now” (d’Propose ass sécher genuch fir ausgetest ze ginn a gutt fir aktuell virunzekommen). Entscheedungsberechtegt si just Memberen. D’Treffe vun enger Entscheedung leeft esou of: 

  1. Déi aner Memberen ginn em Rot gefrot.
  2. Et gëtt eng Propose ausgeschafft. 
  3. D’Propose gëtt presentéiert.
  4. Verständnisfroe gi gekläert ouni eng Diskussioun doriwwer unzefänken.
  5. Aner Membere gi no Bedenken an Umierkunge gefrot. Bedenken sinn da berechtegt, wa kloer gewise ka ginn, dass et duerch d’Treffe vun där Entscheedung der Asbl oder senge Membere méi schlecht géif goen. Beschtefalls proposéiert ee mat senge Bedenken och scho Verbesserungsvirschléi.
  6. Verbesserungsvirschléi ginn ageschafft.
  7. De Punkt 3 gëtt widderholl, bis et keng Bedenke méi gëtt.

3.2. Infotreffen

Wärend den Infotreffen:

  • gëtt eng Lëscht mat de Presencen erstallt 
  • gëtt de Visiteuren eise Veräin nobruecht, andeem eis Projeten erkläert ginn
  • gi potentielle Memberen de Virgang erkläert, fir Member ze ginn 
  • gëtt op eis Gruppenofkommes opmierksam gemaach

4. Kooperatioune mat Betriber

Kooperatiounsopbau mat Betriber

Virum Éischtkontakt 

  1. Wichteg: Déi Persoun, déi d’Kooperatioun opbaut, ass automatesch dofir responsabel (cf. Betribsverantwortlech Persoun)
  2. Et muss op karrot.world ënnert “Places” nogekuckt ginn, ob de Betrib schonn agedroen ass.
  3. Wann dëst de Fall ass, da muss een erausfannen, ob sech schonn eng Persoun em de Betrib këmmert. Mat dëser Persoun muss ee sech ofschwätzen. 
  4. Wann sech nach keen*t em de Betrib këmmert, da kann ee privat nofroen, wat mat de Liewensmëttel geschitt an d’Iddi vun der Kooperatioun bei der nächster Versammlung virstellen. Wann dat net geet, da mussen all d’Membere per Mail iwwert eng méiglech nei Kooperatioun informéiert ginn. 
  5. De Betrib muss op karrot.world agedroe ginn. Do gëtt och vermierkt, wéi den aktuellen Verhandlungsstand ass. Dëst ass wichteg, fir dass eng Säit fir de Betrib ugeluecht gëtt, op där een sech iwwert déi aktuell Informatiounen um Lafende kann hale an Informatioune gesammelt kënne ginn. 
  6. Et sollten ëmmer genuch Membere disponibel sinn, déi hëllefe kënnen, d’Ofhuelungen ze maachen. 
  7. Et muss mam Betrib ofgeklärt ginn, wéini d’Liewensmëttel ofgeholl a wéi a wouhin se verdeelt dierfe ginn.

Den Éischtkontakt 

  1. Eng E-Mail un de Betrib schécken. 
  2. Foodsharing kuerz virstellen an e Rendezvous fir en Treffe mat den Zoustännegen ausmaachen.

Éischt Treffen 

  1. Foodsharing gutt virstellen.
  2. Nofroen, wéi déi aktuell Situatioun ass: Wat geschitt mat de Liewensmëttel déi aussortéiert ginn? Gëtt et scho Kooperatioune mat liewensmëttelrettenden Organisatiounen? Kéint Foodsharing ënnerstëtzen? Wa jo, wéi? 
  3. Dem Betrib d’Virdeeler vun enger Kooperatioun erklären:
    1. Suen an Aarbechtskraaft spueren:
      1. Fir d’Entsuerge vum Offall ka Containerkapazitéit agespuert ginn. 
      2. Fir den Tri vun de Liewensmëttel kann Aarbechtskraaft agespuert ginn, well Foodsharing den Tri a genéissbar an ongenéissbar Liewensmëttel iwwerhëlt.
    2. Flexibilitéit: Foodsharing mëscht och Ofhuelungen Weekends, op Feierdeeg,moies fréi, owes spéit an och spontan wann aner Kooperatiounen ausfalen.
    3. An der Reegel gi fest Deeg an Auerzäite fixéiert op deenen d’Foodsaver*innen d’Ofhuelunge maachen. Dëst ass wichteg, fir dass de Betrib genee weess, wéini d’Liewensmëttel ofgeholl ginn.
    4. Falls et erwënscht ass, kann de Betrib als Ënnerstëtzer vu Foodsharing ëffentlech genannt ginn. Dëst ass eng gutt Méiglechkeet, fir Reklamm ze maachen a säin Image ze fleegen.
    5. Duerch Foodsharing dréit e Betrib zu engem etheschen Ëmgang mat Liewensmëttel bäi: Bäitrag géint d’Verschwendung vu genéissbare Liewensmëttel a fir de Klimaschutz.
    6. Rechtlech gesinn ass ee mat Foodsharing Luxembourg op der sécherer Säit: d’Ofginn vu Liewensmëttel biergt kee rechtleche Risiko fir de Betrib (Haftungsausschuss, Rechtsgrondlag op hygienescher Richtlinne).
  4. Detailer fir d’Kooperatioun ofschwätzen:
    1. Wéini gëtt Ofgeholl? Ideal si fest Wochendeeg a fest Auerzäiten. Mee et ass och denkbar, sporadesch Ofhuelungen ze maachen op Nofro vun der Geschäftsleedung.
    2. Wou genau gëtt ofgeholl? D’Platz festleeë. Klären, ob d’Foodsaver*innen op der Platz  zortéieren an opdeelen dierfen oder ob dat op enger anerer Platz geschéie muss. Klären, wien den Offall entsuergt wann es ufält a wéi e getrennt muss ginn. 
  5. Perséinlech Kontaktdaten mussen am Betrib hannerlooss ginn.
  6. Festleeë, wien den Uspriechpartner am Betrib ass. D’Kontaktdaten vun där Persoun notéieren. 
  7. Klären, ob de Betrib ëffentlech genannt dierf ginn: Dierf verzielt ginn, vu wou d’Liewensmëttel kommen? Dierf an der Press vum Betrib geschwat ginn?
  8. Festhale, wat déi nächst Schrëtt sinn.

Nom éischten Treffen 

  1. Betribssäit op karrot.world aktualiséieren, mam Numm an der Telefonsnummer vun der Kontaktpersoun an Foodsaver*innen op de neiste Stand bréngen.
  2. Bei Bedarf méi Foodsaver*innen als Ënnerstëtzung werben.
  3. En éischte Rendezvous mam Betrib an alle Foodsaver*innen festleeë, déi an deem Betrib ofhuele wëllen.

Ofhuelungen 

Oflaf vun enger Ofhuelung

  1. Androen ob karrot.world
  2. Zéng Minutte virun der Ofhuelzäit beim Betrib sinn. Alles mat derbäi hunn, wat ee fir d’Ofhuelung brauch: Tuten, Këschten, Kill-Akkuen, Hännercher, Vëlo, Auto,… 
  3. Waarde bis all déi aner agedroe Foodsaver*innen do sinn. Zesummen an de Betrib eragoen an de Foodsharingpass weisen, wann duerno gefrot gëtt. Wann een*t a Verspéidung ass, telefonesch Bescheed soen an dobaussen waarden.
  4. D’gerette Liewensmëttel ginn esou schnell et geet ënnert all de Foodsaver*innen opgedeelt. Et gëtt net akribesch opgedeelt, mee jiddereen*t hëlt dat mat, wat e verbrauchen a verdeele kann. 
  5. Zesummen de Betrib erëm verloossen.
  6. Feedback, vu mindestens enger Persoun, op karrot.world ginn. Dës Persoun gëtt dobäi d’geschätztent Gewiicht vun der Gesamtofhuelung an de Verlaf vu méiglechen  Proufofhuelungen un.

Behuele bei enger Ofhuelung 

  • Persounen, déi keng Foodsaver*inne sinn, mee beim Droen hëllefen, waarden dobaussen.
  • Et ass net erlaabt, Kanner oder Déieren an de Betrib mat eranzehuelen. Si waarden dobaussen. 
  • Et soll ee keng Kommentaren iwwert d’Quantitéit an d’Aart vun de Liewensmëttel maachen. Et soll een och net soen, wat een domat mëscht.
  • De Betrib muss propper an ouni Dreck hannerlooss ginn. All Offall deen ufält muss esou, wéi de Betrib et fuerdert, entsuergt ginn.
  • Alles wat genéissbar ass, gëtt matgeholl.

Éischt dräi Ofhuelungen 

  1. Umellen beim*bei der Onboarding-Manager*in, déi de Kontakt zu méiglechst villen Betribsverantwortlechen an hire Betriber hier. 
  2. Informatiounen iwwert déi Foodsaver*innen, déi bei den éischten Ofhuelunge begleeden, d’Quantitéit u Liewensmëttel, déi een erwaart, wat ee mathuele muss (Tuten etc), wéi den Oflaf vun der Ofhuelung ass an ob et besonnesch Saache fir dee Betrib ze beuechte gëtt, fënnt een op der Betribssäit vun dem jeeweilege Betrib op karrot.world. 
  3. Datumer fir Proufofhuelunge festleeën.
  4. Duerchféieren vun de Proufofhuelungen.
  5. Den*d’Onboarding-Manager*in entscheet zesumme mat de begleedenden Foodsaver*innen iwwert d’Ophuelen als Foodsaver*in. 

5. Foodsharing Points

D’Rechtsgrondlag zu de Foodsharing Points gëtt am Dokument “Legal Foundation” beschriwwen.

Viraussetzungen

  1. Eng gëeegent Platz:
    1. Méiglechst fir all Mënsch zougänglech.
    2. Liicht verstoppt, fir méiglechem Vandalismus virzebeugen.
    3. Wann et e Foodsharing Point mat Frigo ass gëtt Stroum gebraucht.
    4. Wann en dobaussen steet, da muss e virun Déieren an dem Wieder geschützt ginn.
  2. Et muss e Frigo, e Regal oder e Schaaf sinn. 
  3. Wann et e Frigo sollt sinn, muss gekläert ginn, wien d’Fraisen fir de Stroum iwwerhëlt.
  4. D’Foodsharing Point Dokumenter musse geprint an esou opgehaange ginn, dass all Mënsch se gesäit:  
    1. Generell Informatiounen 
    2. Checklëscht Hygiène
    3. Legal foundation.

Betreiung 

  1. De Foodsharing Point gëtt op karrot.world genee wéi e Betrib agedroen, just dass een en als “Place” markéiert. E Foodsharing Point brauch mindestens eng verantwortlech Persoun an e puer Memberen, déi sech drëms këmmeren. 
  2. Mindestens all 2 bis 3 Deeg muss e geraumt, gebotzt a kontrolléiert ginn. (Jee nodeem och méi oft.)
    1. Botzsaache matbréngen, d’Botzlompen duerno bei mindestens 60 Grad wäschen. 
    2. Alles wat gemaach gouf am Hygiènesplang vermierken.

6. Suen

  • Grondsätzlech gëllt d’Prinzip: Sou wéineg wéi méiglech, sou vill wéi néideg.
  • D’Aarbecht vu Foodsharing Luxembourg ass prinzipiell éierenamtlech.
  • Et dierfen keng Liewensmëttel verkaaft ginn. Et dierf een och net mat de Liewensmëttel Tauschhandel ufänken, och net wann ee selwer Liewensmëttel gerett a weiderverschafft huet.
  • Et dierfe keng Spendekëschten bei engem Foodsharing Point opgestallt ginn, well Foodsharing Luxembourg soss als Entreprise, déi mat Liewensmëttel schafft, agestuuft ka ginn. 
  • Op Veranstaltungen ass d’Sammele vu Spenden erlaabt, sou laang kloer ass, dass d’Liewensmëttel gratis sinn. Et ass méiglech, Schëlter mam Text “Spenden fir Foodsharing Luxembourg” an “All d’Liewensmëttel si gratis” sou wéi “Liewensmëttel ze verschenken” opzestellen. 
  • Transportkäschten musse selwer gedroe ginn.
  • Finanzrapporten sinn ëffentlech an transparent op foodsharing.lu ze fannen.

7. Hygiène-Charta

Empfeelung zum direkten Ëmgang, Transport a Lagerung vu Liewensmëttel

  • Killwueren: Killketten anhalen, d.h. den Transport an enger Killtäsch mat Killelementer a Lagerung an engem Frigo dierf net ënnerbrach ginn
  • Liewensmëttel a liewensmëttelechte Verpackungen transportéieren a lageren, erkennbar un den Angaben: Polyethylen PE, Polypropylen PP, fir Liewensmëttel, Glas-a-Forschette-Symbol
  • Réit a preparéiert Iesse getrennt lageren
  • Liewensmëttel wou nach Buedem drun hänkt, ënnert de restleche Liewensmëttel lageren

Kontroll vun der Genéissbarkeet

  • Virum Verdeele an Empfänke vu  Liewensmëttel, souwäit et méiglech ass d’Verpackung zou ze loossen, op Genéissbarkeet kontrolléieren
  • Ausgesinn a Faarf: ongenéissbar bei Verfierwung, Dréift, Verdrëschnung, Gefréierbrand a Schimmel
  • Konsistenz, Struktur an Uewerfläch: ongenéissbar bei schmiereger Uewerfläch, Schlimmelbildung, Verflëssegung, Verhärtung, Entmëschung, Gasbildung a Gerënnung
  • Geroch a Geschmaach: ongenéissbar bei faulem, sauerem, muffegem, alem, ranzegem, gäregem, fëschegem oder seefegem Geroch/Geschmaach

Verbueden ass d’Verdeelung vun 

  • ongenéissbare Liewensmëttel (cf. Kontroll vun der Genéissbarkeet)
  • Liewensmëttel nom Verbrauchsdatum
  • Réie Fësch, réit Fleesch
  • Réimëllechproduiten
  • Wueren mat réiem Ee an Tiramisu, selwer gemaache Mayonnaise
  • Alkohol
  • Tubak
  • Medikamenter

Ëmgang mat Liewensmëttel ass net erlaabt bei folgende Fäll

  • Bei Duerchfall, staarker Iwwelzegkeet, Iwwerginn
  • Bei ustiechende Krankheeten
  • Hauterkrankungen an offe Wonnen
  • Bei Féiwer iwwert 38,5°C

Rechtleches zum Verdeelen an Empfänke vu Liewensmëttel 

  • Foodsaver*innen si verantwortlech fir Liewensmëttel, déi si weiderginn.
  • Foodsharing Luxembourg ass kee  Liewensmëttelbetrib.
  • D’Verdeelunge fanne vu Privatpersoun zu Privatpersoun statt. Dowéinst brauch e keng Zeréckverfollegung vun de Liewensmëttel. Dëst bedeit och, dass de Veräin Foodsharing Luxembourg fir Liewensmëttelvergëftungen o.ä. net haft. Et besteet keen Haftungsusproch vum Empfänger fir Folgeschueden.
  • Beim perséinlechen Iwwerginn sollen d’Empfänger mëndlech drop  higewise ginn, dass si d’Liewensmëttel virum Verbrauch nach emol opmierksam iwwerpréiwen.

8. Iwwerpréiwung

All Joer gëtt dës Gruppenofkommes virun der Vollversammlung iwwerpréift, fir dass eventuell Verbesserungsvirschléi fir d’Vollversammlung agereecht kënne ginn. En*g Administrator*in grënnt dofir eng Aarbechtsgrupp.