Haut huet den 100,7 ee Radio-Interview zum Enn vun den Distribution Days verëffentlecht.
Author: Daniel
Enn vum Distribution Days Projet
Mir hunn net esou gutt Noriichten. Foodsharing Luxembourg huet den 31. Januar 2023 déi schwéier Entscheedung geholl d’Distribution Days ze stoppen.
Den Distribution Days Projet hat intern Problemer a gouf no den EU-Legislatiounen als “Betrib” agestuuft. Dëst hätt geheescht all d’Regulatioune ronderëm d’Liewensmëttel ze erfëllen, wat schwiereg fir ee Veräin aus Fräiwëllege gewiescht wier.
D’Distribution Days hu vill Mënsche gleewe gedoen, dass Foodsharing Luxembourg eng karitativ Organisatioun wier. Eisen Haaptfokus läit awer um Ëmweltaspekt vu Liewensmëttelverloscht a -verschwendung, a mir wëllen net a Konkurrenz mat den etabléierte karitativen Organisatioune mat hirer professionell Offer trieden. Mir verstinn, dass mir esou wouer geholl goufe wärend der aktueller schwiereger Zäit, mä dat war ni eist Zil. Eist laangfristeg Zil ass et, dass et Gesetzer géint Liewensmëttelverloscht a -verschwendung ginn, esou dass d’Quantitéite vun de Liewensmëttel, déi ewechgehäit ginn, dramatesch erofginn.
Desweideren waren d’Distribution Days och net méi op enger Linn mat hirem Zil fir grouss Quantitéiten ze verdeelen. Den Haaptgrond war, dass munch Betriber hier Quantitéiten dramatesch reduzéiert hunn, esou dass dës Liewensmëttel elo einfach tëschent Foodsaver*inne verdeelt kënne ginn. Mir als Veräin si frou iwwert dës Reduzéierung vun der Liewensmëttelverschwendung!
Mir erkennen de grousse Bäitrag vun den Distribution Days un. Et gouf vill Energie, Leidenschaft an Zäit an si gestach. Mir soen allen, déi op den Distribution Days gehollef oder deelgeholl hunn, Merci fir hire Bäitrag fir eiser Visioun fir, dass “all iessbar Liewensmëttel zu Lëtzebuerg giess ginn”, méi nozekommen!
Eise Foodsaving Projet wäert d’Liewensmëttel, déi fir d’Distribution Days bestëmmt waren, weiderhin ofhuelen a verdeelen. Wann s du bäi eis als Foodsaver*in matmaache wëlls, mellt dech un. Äis nächst Informatiounsversammlunge ginn an den nächste Wochen ugekënnegt a sinn oppe fir jiddereen, deen interesséiert ass fir aktiv a Foodsharing Luxembourg ze ginn.
100,7 Interview iwwert d’Distribution Days
D’Annick erkläert eis Distribution Days an dësem Interview op 100,7.
100,7 Interview
Eise Veräin gouf virgestallt an dësem Interview op 100,7.
RTL besicht Distribution Days zu Beefort
RTL huet eng Reportage iwwert d’Distribution Days zu Beefort gemaach.
Foodsharing Point Aweiung
Haut gouf den éischten ëffentleche Frigo, och als Foodsharing Point bekannt, virum Buttek Naturwelten, rue Auguste Charles 7, Bouneweg, Stad Lëtzebuerg, ageweit. Co-finanzéiert vum Ministère fir Entwécklungszesummenaarbecht an humanitär Ugeleeënheeten a Frères des Hommes Luxembourg am Framework vun der Bildung fir nohalteg Entwécklung, besteet dëse Projet aus dem Zurverfügungstelle vun engem ëffentlech zougängleche Frigo, deen als Tauschplatz fir Iesse fir privat Individuen déngt. Tatsächlech sinn d’Privathaushalter fir 75% vun der Liewensmëttelverschwendung verantwortlech. Dat sinn ongeféier 89 kg pro Persoun pro Joer. Dëse Projet setzt hei un an ass fir jidderee ronderëm d’Auer zougänglech.
Mediepräsenz
Reportage op RTL Radio Lëtzebuerg
RTL Radio Lëtzebuerg huet haut een Interview mam Daniel a Fern bruecht. En ass hei no ze liesen an ze lauschteren.
Artikel am Luxemburger Wort
D’Luxemburger Wort huet een Artikel iwwert eis Distribution Days an eise Foodsharing Point an der Editioun vun haut.
Artikel am Tageblatt
D’Tageblatt huet an der Editioun vun haut e puer Säiten iwwert d’Liewensmëttelverschwendung an eng Säit iwwert eis.
Éischte Foodsharing Point ass op
Foodsharing Luxembourg ass stolz d’Erëffnung vun hirem éischte Foodsharing Point unzekënnegen! E Foodsharing Point ass een ëffentlechen Uert fir Iesse vu Privat- zu Privat-Persoun ze deelen a besteet normalerweis aus engem Frigo an engem Regal. Du kanns huele wat’s du wëlls, an du lees era wat’s du net brauchs. Du fënns e beim Buttek Naturwelten, 7 rue Auguste Charles, zu Bouneweeg, an der Stad.
Merci un Naturwelten fir d’Plaz an u Frères des Hommes fir de Frigo!