RESTwithEU lancéiert säin Open Call Programm, wou Restauranten, Startups a Léisungsanbieter aus ganz Europa zesummekomme fir d’Erausfuerderunge vum Restaurantsektor ze léisen.
Vum 21. Februar bis den 31. Mäerz 2023
No eisem éischten Opruff krut eisen Aarbechtsgrupp “Politesch Aarbecht” bei Foodsharing Luxembourg interessanten Input. Nieft der Situatioun a Kantinnen an Butteker, kruten mir z.B. gesot, datt Subsiden fir d’Ausséien vu Gromperen ausbezuelt géifen ginn, des awer aus Rentabilitéitsgrënn oft net erausgeholl ginn an sou sënnlos ëmginn. Well des Abléck a verschidde Beräicher wierklech hëllefräich fir eis Aarbecht fir eng Verbesserung vun der nationaler Gesetzgebung iwwer Liewensmëttelverloscht an -offall ass, verlängeren mir eisen Opruff nach emol.
Mellt iech dofir nach emol bis den 6. November bei eis op moien@foodsharing.lu – Wou gesitt dir Problemer am System? Sinn iech Mëssstänn bekannt, déi zu Gaspillage féieren?
All Entréeë ginn anonym veraarbecht.
Mir brauchen dech!
Den Aarbechtsgrupp “Politesch Aarbecht” vu Foodsharing Luxembourg schafft den Ament u Fuerderunge fir eng Verbesserung vun der nationaler Gesetzgebung iwwer Liewensmëttelverloscht an -offall. Eisen Ausgangspunkt soll eng Analys vum Problem sinn.
Dofir wëlle mir är Hëllef! Wou gesitt dir Problemer am System? Sinn iech Mëssstänn bekannt, déi zu Liewensmëttelverloscht oder -offall féieren? An ärem Alldag, op der Aarbecht oder doheem, gesitt dir Musteren oder Widderspréch, déi zu Gaspillage féieren?
Schreift eis bis de 15. Oktober op moien@foodsharing.lu
All Entréeë ginn anonym veraarbecht.
(United Nations, UNRIC) [Artikel op Franséisch]
„Am Kader vum International Food Loss and Waste Awareness Day erklären eis verschidden Associatiounen aus der Benelux-Regioun a Frankräich, wéi si hëllefen, dësen Offall ze limitéieren“
(Artikel op Englesch)
“Foodsharing Lëtzebuerg huet Appetit op Verännerung. Zanter der Grënnung am August 2019, duerch eng Grupp vu Frënn, goufe bis ewell 356 Tonne Liewensmëttel gespuert. Verschwendung a Verloscht vun Nahrungsmëttel hunn net wierklech e positiven Impakt op eis Ëmwelt. De But vu Foodsharing ass, deem entgéint ze wierken, Michèle Schons?”
RTL
Foodsharing Luxembourg tut es! Seit es im August 2019 von
einer Gruppe von Freunden gegründet wurde, hat es 356
Tonnen Lebensmittel eingespart.
D’Initiativ Foodsharing Luxembourg versicht zanter dräi Joer Liewensmëttel ze retten, déi d’Supermarchéen, Geschäfter a Produzente soss géingen ewechgeheien. Déi Liewensmëttel gi vu sougenannte “Foodsaver” agesammelt a verdeelt – entweder u Leit deenen den ekologeschen Aspekt wichteg ass oder deenen et villäicht finanziell net esou gutt geet.
radio 100,7
Nomadic Island ass ee soziaalt Experiment, bei dem eng Grupp vun 11 Kënschtler aus verschiddenen EU-Länner ob eng generatiounsiwwergräifend Grupp vu lokale Bewunner trëfft. Mënschen tëschent 12 an 99 Joer kënnen um Projet deelhuelen an all Dag d’Liewe vun dëser temporärer Gemeinschaft deelen.
De Projet leeft vum 18.07.22 bis de 07.08.22 um Thillebierg zu Déifferdeng. D’Participante si wärend mindestens 5 Deeg um Stéck do, fir un de kënschtleresche Kreatiounen an der Organisatioun vum deegleche Liewen um Camp matzewierken.
De Chef Antoine Carteri vu Gastronomica Luxembourg wäert fir all Participante kachen.
Nomadic Island ass op der Sich no Liewensmëttelfournisseuren, déi bereet sinn, d’Anti-Verschwendungspolitik vun Nomadic Island z’ënnerstëtzen. Den Antoine huet säin eegene Fournisseur, mee mir géinge gären aner Fournisseure mat abezéien. Mir wieren immens dankbar, wann mir mat iech kéinten zesummeschaffe beim Sammelen a bei der Liwwerung vu gerettete Liewensmëttel fir den Nomadic Island-Camp, dee beim Fussballstadion vum Thillebierg (Rue de l’Hôpital, 4581 Differdange) ass.
Jiddereen, dee bereet wier eis z’ënnerstëtzen, kann sech dem Camp a sengen Aktivitéiten als Participant uschléissen. Dir géingt da mat de Kënschtler zesummeschaffen, fir Konschtwierker ze kreéieren an iech un eisem sozialen Experiment bedeelegen.
Hei fannt dir ee Flyer, de kuerz erkläert, wourëms et genau bei der Participatioun um Projet Nomadic Island geet. Weider Informatiounen iwwert de Projet an d’Kënschtler fannt dir um Nomadic Island.
Foodsavers, déi um Projet deelhuelen an eis mat gerettete Liewensmëttel ënnerstëtze wëllen, musse keng Participatiounsfraise bezuelen.
